Төлөм стикери — бул банк карталарынын чаптагыч түрдөгү ыңгайлуу, чакан версиясы. Ал NFC технологияларын колдонуу менен байланышсыз төлөм жүргүзүүгө багытталган. NFC — Near Field Communication деп узартылат жана аны кыргыз тилине которгондо “жакынкы жердегилер менен кол тийгизишпеген байланыш” деген маанини берет.
Төлөм стикерлери аны колдонгон кардарларга классикалык карталарды колдонбой туруп ыңгайлуу, тез, байланышсыз төлөм жүргүзүүгө шарт түзөт.

Стикердин ичине төлөмдү ишке ашырууну камсыздай турган чип орнотулган.

• Болгону телефон же стикер чапталган башка буюмду терминалга тийгизесиз
• Терминал картадан төлөмдү алганга чейин күтө туруңуз
• Биринчи жолкусунда төлөм ишке ашпай калса дагы кайталап көрүңүз – стикерди терминалга кайра тийгизиңиз.

Сизге ыңгайлуу болушу үчүн стикерди телефондун артына, төмөн жагына жармаштыруу сунушталат. Башка буюм же түзмөктөргө деле жармаштырып алууга болот, башкысы ал төлөм жүргүзүү үчүн дароо ала калууга ыңгайлуу болгондугу. Мындай аракеттер терминалдар менен туура эсептөө жүргүзүп, байланышсыз төлөм аткарууну камсыздайт.

Стикер стандарттуу банк карталары сыяктуу эле иштейт, аны менен терминалдар бар бардык жерлерде төлөм аткарууга болот. Мындан тышкары стикер менен NFC функциялары орнотулган банкоматтардан акча накталай аласыз

Төлөм үчүн стикер – бул ошол эле банк картасындай иштейт, аны менен интернеттеги бардык сатып алуулар үчүн акча төлөсө болот. Реквизиттерди дайыма BakAi тиркемесинен көрө аласыз.

Стикердин жардамында төлөм аткарууда коопсуздук карта менен төлөм жүргүзгөндөгүдөй эле корголот.

Сиздерге түрдүү функция, артыкчылыктарды камтыган керектөөчүнүн жумуштарына жана максаттарына ылайык келген ар кандай категориядагы төлөм стикерлерин сунуштайбыз.

Instant Gold
Instant Gold базалык тарифиндеги төлөм стикери алуу оңой болгону менен айырмаланат. Сиз аны арыз толтуруп бүтүп эле дароо ала аласыз. Муну менен катар ал акысыз чыгарылат жана тейлөө акысыз.

Visa Gold
Visa Gold төлөм стикери ыңгайлуулук, каржылык ийкемдүүлүктү кепиделегендиктен кирешеси орточо болгон керектөөчүлөргө ылайыктуу. Бул категориядагы стикер – анын наркы менен көрсөтүлгөн кызматтардын бири бирине мыкты айкалышкандыгы менен да өзгөчө. Мындай стикерлер дүйнө жүзүндөгү бардык соода жана кызмат көрсөтүү жайларындагы NFC функциясы бар бардык банкоматтарда кабыл алынат.

• Мындай карта ээлерине кызматтардын кенен түрлөрү көрсөтүлөт:
• Банкомат жана ПОС-терминалдардан каражаттарды накталоо, Интернет же телефон аркылуу товар же кызматтар үчүн төлөм жүргүзүү мүмкүнчүлүгү, автоунаа ижарага алуу, мейманканага алдын ала буюртма берүү жана башка.

Platinum
Бул тарифтеги төлөм стикери күн сайынкы ыңгайлуу жана пайдалуу төлөм жүргүзүүдөгү мыкты артыкчылыктарды берет. Ал артыкчылыктардын катарында:

• Dragon Pass’ка эки жолу акысыз кирүү
• Рейс жана жүктөрдүн кечигүүсүнө компенсация
• Сатып алууларды коргоо
• Консьерж-кызматы менен (чат-бот) түнү менен байланышта болуу, (31.12.2024-жылга чейин акысыз).
• Өнөктөш ишканалардан атайын сунуштар, эксклюзивдик дүкөн, клубдардан арзандатуулар
• 2025-жылдын 30-сентябрына чейин эл аралык аэропорттордо Fast track кызматы көрсөтүлөт (жеткиликтүүлүгүн чат-бот аркылуу тактап алыңыз).
• Бишкек, Алматы, Астана шаарларындагы аэропорттордо 2024-жылдын 31-декабрына чейин жүктөрдү акысыз таңгактоо.

 Visa Infinite
Бул тарифтеги төлөм стикеринин колдонуучуларына эксклюзивдик деңгээлдеги кызматтар көрсөтүүнүн көрсөтүлөт. Кардарлар Банк жана MPS VISA Infinite көрсөткөн кызматтар боюнча жаралган бардык суроолору менен кайрыла алышат:

• Visa Inc төлөм системасынан күнү-түнү колдоо;
• Саякаттоо жана сатып алууларда камсыздандыруу программасы;
• Дүйнөнүн бардык мамлекеттеринде медициналык жана юридикалык жардам көрсөтүлөт;
• Өнөктөш компаниялардан сатуу/кызмат көрсөтүү боюнча атайын сунуштар, жүздөгөн эксклюзивдүү дүкөн жана клубдардан арзандатуулар;
• Visa Infinite төлөм стикеринин ээсин жеке менеджер менен камсыз кылуу.

 Чыгаруу жана тейлөө Visa караталары үчүн бекитилген тарифке ылайык жүргүзүлөт. Стикерлерди тейлөө шарттары, кэшбектерди эсептөө жана башка артыкчылыктар Банктын иштеп жаткан Тарифтери менен жөндөлөт.